Ish-këshilltari i tij dyshohet për vrasjen e gruas, Pacolli: Jam ende i shokuar!

Policia e Kosovës ka arrestuar ditën e sotme Naim Murselin si të dyshuar në rastin e vrasjes së gruas së tij, Liridona Murselit. Përveç tij është arrestuar edhe një person nga Gjakova.

Për rastin në fjalë ka reaguar Behgjet Pacolli, duke qenë se Murselin e ka pasur dhe këshilltar. Ai është shprehur se kushdo e ka kryer këtë krim duhet të marrë dënimin maksimal, ndërsa ka theksuar se ende është i shokuar pas tragjedisë.

Deklarata e plotë:

Sot, fëmijët dhe familja kanë varrosur Liridonën, një vajzë dhe nënë të re e cila u vra mizorisht. Jam ende i tmerruar dhe i tronditur nga vrasja e Liridonës, të cilën e kam njohur personalisht. Sot dhe çdo ditë, lutjet dhe mendimet e mia janë me fëmijët dhe familjen e Liridonës. I përgëzoj policinë e Kosovës për punën e madhe dhe profesionale që po bëjnë për zbulimin e rastit. Kushdo qoftë mbrapa këtij akti të tmerrshëm dhe makabër ( akt i pa parë ne traditën tonë), duhet të dalë para drejtësisë dhe të merr dënimin maksimal për këtë.  Sot, dy fëmijë janë pa nënën e tyre, të cilës jeta u mor në rininë e saj. E pabesueshme dhe e trishtueshme. Jam ende i shokuar!

Sipas burimeve të Gazetës Express, bazuar në dëshminë e personit të dytë të arrestuar të dhënë para Policisë, dyshohet se Naim Murseli e ka paguar atë për vrasjen e gruas.

LEXONI GJITHASHTU:

• Vrasja e gruas në Kosovë, autori pranon se është paguar nga bashkëshorti i Liridonës
• Hovenier: E bëj gjumin rehat, Kosova është e sigurt!