Ish-kreu i Prokurorisë: Ka ndërhyrje në KLP për shefin e SPAK

Ish-kreu i Prokurorisë së Krimeve të Rënda, Eugen Beçi tha në një intervistë për Euronews Albania se pavarësia e sistemit të drejtësisë vihet në dyshim kur ka ndërhyrje të faktorëve të cilët do të konkretizojnë nesër zgjedhjen e drejtuesit të Prokurorisë së Posaçme.

“Duket që ka ndërhyrje në KLP dhe më pas kjo pavarësi që vihet në dyshim e KLP-së sjell dhe një dyshim të pavarësisë së prokurorëve të posaçëm ndaj drejtuesit të Prokurorisë së Posaçme,” – u shpreh Beçi.

Sipas tij, në kuadër të pavarësisë prokurorët e posaçëm nuk janë shumë të interesuar kush është drejtuesi.

Më parë ky ka qenë një problem, por një problem i kahershëm i ligjit.

“Sepse ligji prokurorinë e trajtonte një organ të centralizuar dhe duke qenë një organ i centralizuar dihej që lufta do bëhej kryesisht për kreun e prokurorisë dhe më tej për prokurorin e përgjithshëm, kurse sot që flasim kemi një reformë që piksynim të saj kishte decentralizimin e prokurorisë dhe pavarësinë e prokurorit,” – u shpreh Beçi.

LEXONI GJITHASHTU:

• Deklarata e fortë e Murrizit: Non grata e radhës mund të jetë një anëtar i SPAK
• Pse luftohet për kreun e SPAK? Murrizi: Kjo është kompetenca e vetme që ka