Ish-kryeministri italian kritikon Melonin: 1 mld € të shpenzuara kot për Gjadrin

Senatori dhe ish-kryeministri italian Matteo Renzi vizitoi këtë të mërkurë kampin në Gjadër. Ai tha se krijimi i kampeve ka qenë propagandë e kryeministres Giorgia Meloni ndërsa shtoi se Italia ka humbur rreth 1 miliardë euro në investime për kampin e Gjadrit dhe të Shëngjinit të cilat mund të ishin përdorur për pensionet dhe për rritjen e pagave.

“Ajo që artikulohet në Itali është fake news, ndërsa ky është realiteti. Giorgia Meloni është një influencuese shumë e mirë dhe vijon të përdorë këtë narrativë që me këtë qendër. Por me këto deklarata ajo ka hapur dyert e emigrantëve.

Kjo nuk ka të bëjë me krahun politik të majtë apo të djathtë. Unë shikoj çështjet e buxhetit, këtu shteti Italian humbi gati 1 miliard euro nga buxheti i italianëve. Unë mendoj se këto para mund të ishin shpenzuar për pensionet dhe për pagat. Ky është opinion im. Ne jemi këtu për të dhënë një mesazh shumë të qartë, me propagandë politika ka konsensus por humbasin para dhe këto para janë të qytetarëve italianë”,-tha Ranzi.

LEXONI GJITHASHTU:

• Pas vendimit të Gjykatës, emigrantët largohen nga kampi i Gjadrit
• Gjykata e Apelit të Romës refuzon kërkesat e 42 azilkërkuesve në Gjadër