Ish-kryeministri serb: Vuçiç kukull e Putinit, kjo është zgjidhja për Kosovën

Për Zoran Zhivkoviçin, ish-kryeministër i Serbisë, presidenti serb Aleksandër Vuçiç është  një kukull e Vladimir Putin.

“Presidenti serb Aleksandar Vuçiç dhe “nënshtrimi” i tij ndaj vullnetit të Vladimir Putinit po e kthejnë vendin në kaos, të nxitur nga nacionalizmi i brendshëm”, shprehet ai, shkruan Klan Kosova.

Kjo situatës sipas tij, rrezikon edhe hyrjen e Serbisë në Bashkimin Evropian, edhe në kushtet e një situate shumë delikate në marrëdhëniet me Kosovën.

“Në Serbi, regjimi i Aleksandar Vuçiçit është në pushtet. Zgjedhjet parlamentare janë një farsë me mashtrim dhe prapambetje zgjedhore, qeveria është një grumbullim apologjetësh të Vuçiçit pa karakter e pa aftësi të nevojshme. Gjyqësori është nën kontrollin e tij, larg të qenit i pavarur, dhe kjo vlen edhe për institucionet e tjera shtetërore. Kontrolli i regjimit mbi mediat është dominues. Mediat me gënjeshtrat e tyre ndihmojnë diktatorin të gënjejë dhe rrjedhimisht të mashtrojë qytetarët. Natyrisht që ka edhe një pjesë të mirë të popullsisë që beson në të dhe përfiton nga këto gënjeshtra. Serbia nuk do të hyjë kurrë në BE në këtë mënyrë. Është Vuçiç dhe regjimi i tij që nuk e duan, edhe pse gënjejnë çdo ditë duke thënë se Evropa është pjesë e politikës së tyre”, është shprehur mes tjerash.

Sipas ish-kryeministrit serb, Kosova është humbur “fatkeqësisht” në luftën e vitit 1999, luftë të cilën ai thotë se Serbia e humbi ndaj NATO-s.

Zgjidhja e vetme që garanton paqen e përjetshme mes serbëve dhe shqiptarëve në Kosovë, sipas tij, është ndarja e Kosovës “në pjesën më të vogël veriore ku shumica janë serbë dhe në pjesën jugore ku më të madhe mbizotërojnë shqiptarët”.

LEXONI GJITHASHTU:

• Pse u njoftua largimi i ambasadores Yuri Kim? Flet gazetari
• Lita: Deri më 14 maj, rusët dhe iranianët përpjekje për destabilizimin e Shqipërisë
• Dita Ndërkombëtare kundër korrupsionit, reagon Ambasada Amerikane