“Ish-studentja ime pati një ide interesante”- Tupja flet për futjen e orës kulturore

Profesori Edmond Tupja është shprehur se ish-studentja e tij, Mirela Kumbaro, pati një ide interesante për futjen në shkolla të orës kulturore, e cila nuk u realizua.

Komentet Tupja i bëri në emisionin “Barometri” në Euronews Albania, ku tha se në momentin që ora kulturore do të futet nëpër shkolla, atëherë do të jetë ndryshe për artin e kulturën.

“Keni bërë goxha punë, një punë që duhet të tërheqë vëmendjen në nivele të larta. Keni harruar një gjë, tallavizimin e kulturës, kur bëhet tallava. Kur një kryeministër del e kërcën tallava.

Kemi hyrë në fushën e elitave. Këto nuk janë aq pesimiste për mua. Çdo vend ka elita. Elitat nuk janë masive. Ka një gjë, kultura sjell… Ditën kur do të mësohet arti në shkollë, atëherë do të jetë ndryshe.

Mirela Kumbaro që ka qenë ish-studentja ime, ka qenë ministre e Kulturës, pati një ide shumë interesante. Do fusnin në program të shkollës orën kulturore, artistike. Nuk u bë”, tha Tupe.

LEXONI GJITHASHTU:

• Barometri: Çfarë aktivitetesh kulturore kanë frekuentuar shqiptarët vitin e fundit
• Vlerat e valles devolliçe, shpallet kryevlera kombëtare e trashëgimisë kulturore