“Ishin 5 terroristë, njërin e vranë në vend”, gazetari nga Moska flet për sulmin

Gazetari Misha Pumo ishte këtë të shtunë i ftuar në një lidhje direkte për emisionin “Review” në Euronews Albania për të folur për ngjarjen e rëndë të ndodhur mbrëmjen e të premtes në periferi të Moskës, ku u vranë nga një sulm terrorist 140 persona, ndërsa shumë të tjerë janë plagosur.

Ai tha se fillimisht u raportua se kanë qenë 5 persona ata që kryen sulmin në Moskë, por një prej tyre u asgjësua nga dy burra të frikësuar në momentin që e panë që ky po mbushte mitralozin arritën ta kapnin e ta vrisnin me grushte.

“Në fillim doli lajmi që ishin 5 terroristë dhe në fakt kur filluan lajmet që u kapën katër, u morën në pyetje katër, doli aritmetika e plotë.

Sot doli lajmi që një burrë i tmerruar nga këto që po ndodhnin në momentin kur një nga terroristët po ndërronte karikatorin e automatikut, e kapi nga tyta automatikun dhe me një dorë mbante automatikun me tjetrën e qëllonte me grushta. Atij ju bashkua edhe një burrë tjetër dhe ata e asgjësuan një nga terroristët, duke shpëtuar me qindra persona”,-tha gazetari.

LEXONI GJITHASHTU:

• Sulmi terroris në Moskë/ Kulla: SHBA i paralajmëroi, FSB kërkon të shmanget…
• Sulmi terrorist në Moskë| Shtuni: Shpresoj që përgjigja e Putin mos të përfshijë…