Ishte kthyer në ‘tmerrin’ e banesave, arrestohet 32-vjeçari në Lezhë

Një 32-vjeçar ka përfunduar në prangat e policisë në Lezhë, si autor i dyshuar i disa vjedhjeve. Gjatë kontrollit nga ana e efektivëve në banesën e 32-vjeçarit u gjet 1 armë zjarri kallashnikov dhe qindra fishekë luftarakë.

Policia njofton se po vijon punën për dokumentimin e plotë të rasteve të tjera të vjedhjeve që mund të jenë kryer nga ky shtetas.

“Si rezultat i këtij operacioni, u kap dhe u arrestua në flagrancë shtetasi E. Ll., 32 vjeç, banues në Blinisht, Lezhë.

Gjatë kontrollit në banesën e 32-vjeçarit, shërbimet e Policisë gjetën dhe sekuestruan në cilësinë e provës materiale, 1 armë zjarri kallashnikov, 2 krehra arme dhe 155 fishekë luftarak.

Nga veprimet hetimore të kryera për këtë rast, dyshohet që shtetasi E. Ll. është gjithashtu, autor i vjedhjeve të materialeve, në 3 banesa në fshatra të ndryshme të Lezhës, vjedhje të kryera në datat 02.12.2022, 17.12.2022 dhe 14.02.2023”, thuhet në njoftimin e policisë.

LEXO GJITAHSHTU:

• Po vendosnin skedina, e ‘pësojnë keq’ të rinjtë në Tiranë. Çfarë iu gjeti policia.
• Kapet kamioni me lëndë drusore, arrestohen dy persona dhe inspektori i pyjores