“Ishte materialist”- Allison Guerriero: McGonigal pëlqente jetën e shtrenjtë

Allison Guerriero, ish-e dashura e Charles McGonigal, personi i cili denoncoi aferat e ish-zyrtarit të lartë të FBI-së, ka rrëfyer në një intervistë ekskluzive për emisionin Review në Euronews Albania, të pathënat e çështjes ku përfshihet dhe emri i kryeministrit Edi Rama.

Guerriero tregon me detaje mënyrën se si arriti t’i kuptonte aferat me rusët në të cilat ishte përfshirë ish-zyrtari i lartë amerikan i kundërzbulimit, si dhe vizitat e fshehta në Shqipëri.

Në një pjesë të intervistës ajo thotë se Charles McGonigal ishte një person shumë materialist, i cili pëlqente verërat e shtrenjta, lokalet e shtrenjta dhe jetën luksoze të New Yorkut.

Pjesë nga intervista:

Çfarë stili jetese kishte McGonigal?

Allison Guerriero: Ishte më shumë më materialist se sa unë. Ai pëlqente restorantet e shtrenjta ndërsa unë preferoja të shkoja në një fast-food të zakonshëm. McGonigal pëlqente verërat e shtrenjta, rrobat e shtrenjta dhe më dukej sikur i pëlqente jeta e New York. I pëlqente të ishte afër pushtetit dhe parasë më shumë se sa mund të ishte edhe shija ime. Përpiqej të linte përshtypje tek njerëzit nga ana materiale.

A bënte McGonigal një stil jetese që përputhej me të ardhurat e tij?

Allison Guerriero: Nuk e di, sepse nuk shpenzonte shumë për mua, thjesht shkonim në restorante të shtrenjta. Nuk jam një person materialist dhe nuk i kam kërkuar asnjëherë të më blinte gjëra. Gjithmonë shkonte në vende të shtrenjta por më thoshte që ishte për punë. Tani që shoh akuzat, edhe unë pyes veten se nga i kishte marrë ato para?

LEXONI GJITHASHTU: 

• Ish-e dashura e Mc Gonigal zbulon çfarë i tregoi FBI-së për Shqipërinë
• Ekskluzive/ Flet ish-e dashura e McGonigal, personi që denoncoi ish-zyrtarin e FBI
• Për çfarë u takua McGonigal me Ramën? Ish- e dashura e zyrtarit të FBI jep detaje