Itali/ Ishte duke punuar në fabrikë stampimi, humb jetën i riu me origjinë shqiptare

Një 22-vjeçar me origjinë shqiptare ka humbur jetën teksa punonte në Itali.  Mediat italiane shkruajnë se i riu shqiptar i identifikuar si Daniel Tafa, ka qënë duke punuar në një fabrikë stampimi të ingranazheve industriale ku një copë e nxehtë metali e ka shpuar në shpinë, gjë që i ka shkaktuar vdekjen e menjëhershme.

Nuk është ende e qartë se çfarë e shkaktoi incidentin në punë, një mosfunksionim i makinerisë apo një manovër e gabuar nga ana e të riu, ndërkohë që rasti është vënë nën hetim nga autoritetet.

Hetimet po kryhen nga karabinierët të cilët kanë vënë nën sekuestrim uzinën, makinerinë me të cilën u aksidentua i riu si dhe po merret në pyetje drejtuesi i fabrikës. Ndërkohë çfarë e bën më të dhimbshëm rastin është se sipas mediave italiane, Daniel Tafa kishte festuar ditëlindjen, një ditë para se të ndërronte jetë, ku kishte mbushur 22 vjeç.

LEXONI GJITHASHTU:

• Përfshihet nga flakët një lokal në Vlorë, dyshimet e para
• SHBA thotë se Rusia dhe Ukraina pajtohen për të ndaluar sulmet në Detin e Zi