Itali/ Miratohet ligji që ndëshkon dëmtuesit e trashëgimisë kulturore

Italianët nuk do të duhet të paguajnë më për vandalizmin. Kështu tha ministri i Kulturës, Gennaro Sangiuliano pas kalimit të një ligji që e çon mbi 60 mijë euro gjobën për këdo që dëmton trashëgiminë kulturore përmes akteve të mosbindjes civile, kryesisht nga aktivistët e klimës.

“Mbrojtja e ambientit dhe ndryshimet e klimës janë jetike për kohën që jetojmë, por duhet të punojmë seriozisht për të gjetur një zgjidhje. Dëmtimi i një monumenti merr vetëm vëmendje të panevojshme mediatike”- Gennaro Sangiuliano, ministër i Kulturës, Itali.

Në dy vitet e fundit, lëvizja Gjenerata e Fundit ka kryer një seri aktesh vandale që kanë tërhequr vëmendje mediatike, si lagia me lëng të kuq e aktivistëve përpara katedrales së Firences dhe lidhja me skulpturat historike në muzeun e Vatikanit.

Gjithashtu, në maj të vitit të kaluar, aktivistët mbajtën një tjetër akt të mosbindjes civile kundër mosveprimit për ndryshimet e klimës, kur dy prej tyre u mbuluan me baltë jashtë selisë së Senatit në Romë. Aktualisht, 3 anëtarë të lëvizjes janë në gjyq për dëmtimin me bojë të fasadës së te njëjtës godinë.

LEXONI GJITHASHTU: 

• 100 vitet e Kadri Roshit!
• Mbetën të bllokuar nga dëbora në Valbonë, shpëtohen tre turistët nga Kosova