English

Italia heq përfitimet familjare, vendimi i Melonit shkakton zemërim dhe protesta

KOMENTE

SHPERNDAJE
ARTIKULLIN

Text sizeAa Aa

Qeveria e djathtë e Giorgia Melonit ka vendosur t’i japë fund përfitimeve për mijëra familje dhe individë të konsideruar “të përshtatshëm për punë”.

- Advertisement -

Rreth 169 mijë familje në mbarë Italinë morën një mesazh në celularët e tyre në fund të korrikut, ku njoftoheshin se përfitimet që kishin gëzuar në 4 vitet e fundit do të ndërpriteshin muajin e ardhshëm.

Përfitimet, që do t’u hiqen familjeve që nuk kanë një person me aftësi të kufizuara, një të mitur apo një individ mbi moshën 65-vjeçare, janë pjesë e të ashtuquajturit nismës “të ardhurat e qytetarëve”, një ndihmë mujore për njerëzit me të ardhura të ulëta ose të papunë.

Programi në fjalë u prezantua në 2019-n nga qeveria e kryeministrit Giuseppe Conte, anëtar i Lëvizjes 5 Yjet, që aktualisht po shpërbëhet nga qeveria e ekstremit të djathtë e Giorgia Melonit.

Projekti “Të ardhurat e qytetarëve” ishte një nga premtimet kryesore të bëra nga Lëvizja 5 Yjet përpara se të vinte në pushtet 4 vjet më parë, pavarësisht konceptit se ishte tej mase i kontestuar në vend dhe i kundërshtuar ashpër nga e djathta.

Kryeministrja Meloni e njoftoi vendimin e saj për të forcuar sistemin e mirëqenies sociale sapo erdhi në pushtet vitin e kaluar, duke deklaruar se do të shfuqizohej më 1 janar të 2024-s për të papunët e moshave nga 18 në 59 vjeç, të konsideruar të përshtatshëm për punë.

Vendimi dhe forma e komunikimit të tij kanë bërë që qytetarët të paralajmërojnë mbajtjen e protestave.

 

LEXONI GJITHASHTU:

 

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?