Iu gjet armë gjahu në makinë, arrestohet 39-vjeçari në gjendje të dehur

Policia e Gjirokastrës ka arrestuar një person me akuzën e armëmbajtjes pa leje.

Specialistët e Seksionit të Trafikut Interurban dhe Urban arrestuan në flagrancë shtetasin A. B., 39 vjeç, banues në Përmet, pasi ditën e djeshme, u kap duke drejtuar në gjendje të dehur, automjetin, në të cilin, gjatë kontrollit, shërbimet e Policisë kanë gjetur 1 armë gjahu që 39-vjeçari e mbante pa lejen përkatëse në emër të tij.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, për veprat penale “Drejtimi i automjeteve në mënyrë të parregullt” dhe “Prodhimi dhe mbajtja pa leje e armëve të gjuetisë dhe sportive”.

LEXONI GJITHASHTU:

• Përplasi për vdekje këmbësorin në Fier, arrestohet drejtuesi 55-vjeçar i makinës
• Iu gjetën fara kanabisi dhe drogë në makinë, arrestohet 23-vjeçari në Vaun e Dejës