Komisioni i posaçëm për mbrojtjen e gjyqtarëve pranë KLGJ, miratoi këtë të hënë mbrojtjen e posaçme për gjyqtarin Tonin Sterkaj.

Bëhet me dije se mbrojtja pritet të jetë me afat 6-mujor.

Sterkaj është gjyqtari, në banesën e të cilit në orët e para të mëngjesit të së dielës shpërtheu një sasi e vogël lënde plasëse.

Dyshohet se ngjarja mund të ketë ndodhur për shkak të detyrës së Sterkajt prej vitesh si gjyqtar i Gjykatës së Shkallës së Parë në Shkodër.

Ai ka kaluar disa kohë më parë dhe procesin e vetingut duke u afirmuar në detyrë.

Nga kamerat e sigurisë u filmua një person ende i paidentifikuar, me kapuç në kokë, i cili vendos lëndën plasëse dhe largohet nëpër rrugicat e lagjes.

Policia po vijon punën për identifikimin e autorit dhe zbardhjen e motivit të ngjarjes.

LEXONI GJITHASHTU:

• Tritoli në banesën e gjyqtarit, reagon ministri Manja: Akt burracak
• Kaloi vetingun së fundmi, kush është gjyqtari të cilit iu vu tritoli në banesë