Izraeli dhe Hamasi në “listën e turpit” të OKB-së

Kombet e Bashkuara kanë përfshirë Izraelin dhe Hamasin në një “listë të zezë” të vendeve dhe organizatave që dëmtojnë fëmijët në zonat e konfliktit. Raporti vjetor u dorëzua nga zyra e Sekretarit të Përgjithshëm Antonio Guterres, i cili raporton shkelje të të drejtave të fëmijëve në konflikt. 

Me këtë, Izraeli dhe Hamasi iu bashkuan të ashtuquajturës “lista e turpit” të Kombeve të Bashkuara, e cila tashmë përfshin Al-Kaedën, Boko Haram, Rusinë, Jemenin, Sirinë, Afganistanin, Irakun, Shtetin Islamik dhe Somalinë, shkruan Times.

Vendimi për të përfshirë ushtrinë izraelite në këtë listë është një hap drejt mbajtjes së Izraelit përgjegjës për krimet e tij, tha zëdhënësi i presidentit palestinez, Nabil Abu Rudayneh. 

“OKB-ja e futi veten në listën e zezë në histori kur iu bashkua mbështetësve të vrasësve të Hamasit”. IDF është ushtria më morale në botë dhe asnjë vendim mashtrues i OKB-së nuk do ta ndryshojë këtë”, tha kryeministri izraelit Benjamin Netanyahu.

LEXO GJITHASHTU:

• SHBA-ja dhe Britania godasin Jamenin, rritet frika e zgjerimit të konfliktit në Gaza
• Ministri i luftës i Izraelit pritet të japë dorëheqjen nga qeveria e Netanyahut