Pas bombardimeve izraelite që rrafshuan konsullatën iraniane në Siri ku vdiq edhe një prej gjeneralëve më të lartë të Gardës Revolucionare të Iranit, Izraeli është në gatishmëri të lartë për një përgjigje të mundshme iraniane.

Pas ngjarjes, Irani paralajmëroi reagim të ashpër ndaj Izraelit, ndërsa edhe Agjencia Qendrore e Inteligjencës Amerikane (CIA), ka paralajmëruar autoritetet izraelite se mund të goditen nga një sulm iranian.

Në kuadër të masave të ndërmarra mbi një sulm të mundshëm, Izraeli ka njoftuar forcimin e mbrojtjes ajrore.

Sa i përket luftës Shtetet e Bashkuara po i bëjnë thirrje Izraelit për një hetim të shpejtë lidhur me sulmin që shkaktoi vdekjen e shtatë personave në Gazë që punonin për organizatën bamirëse “World Central Kitchen”. Zëdhënësi I DASH  tha në konferencën e zakonshme të shtypit. Se Izraeli duhet të vendosë masa më efikase për të mbrojtur punonjësit humanitarë dhe të gjithë civilët në terren.

Presidenti Joe Biden do të zhvillojë sot  një bisedë telefonike me kryeministrin izraelit Benjamin, tre ditë pas sulmit që shkaktoi vdekjen e punonjësve të ndihmave, tha një zyrtar amerikan.

Shtëpia e Bardhë thotë se presidenti Biden është i indinjuar dhe tej mase të trishtuar nga sulmi, por presidenti nuk ka ndryshuar qëndrim lidhur me mbështetjen e palëkundur të Shteteve të Bashkuara për Izraelin.

LEXONI GJITHASHTU:

• Një strehë e madhe nëntokësore 2000-vjeçare zbulohet në veri të Izraelit
• Kreu i OKB-së kritikon Izraelin për vrasjen e punonjësve humanitarë