Izraeli konfirmon: Ja kur do të fillojë lirimi i pengjeve të mbajtura në Gaza

12 Tetor 2025 | 18:35

Një zëdhënës i qeverisë izraelite konfirmoi të dielën se lirimi i pengjeve të mbajtura në Gaza do të fillojë herët të hënën në mëngjes. Pritet që të 20 pengjet e gjalla të lirohen së bashku, e më pas trupat e 28 të vdekurve. Të burgosurit palestinezë do të lirohen pasi të gjithë pengjet e Gazës të mbërrijnë në Izrael.

Gjithashtu, një zyrtar i lartë palestinez tha se autoriteti i tyre është i gatshëm të bashkëpunojë me Presidentin e SHBA-së, Donald Trump, dhe ish-kryeministrin britanik, Tony Blair, në përpjekjet e tyre për të konsoliduar armëpushimin në Gaza dhe për të filluar rindërtimin.

Plani i Trump për t’i dhënë fund luftës në Gaza parashikon që Autoriteti Palestinez, me seli në Bregun Perëndimor të pushtuar nga Izraeli dhe i udhëhequr nga Presidenti Mahmoud Abbas, të marrë përfundimisht kontrollin e Gazës, por vetëm pasi të përfundojë reformat. Abbas humbi kontrollin e Gazës ndaj grupit militant Hamas në vitin 2007.

Propozimi i Trump thotë se Hamasi duhet t’i japë fund sundimit të tij në Gaza dhe parashikon që territori të drejtohet nga një komitet teknokratik palestinez i mbikëqyrur nga një organ ndërkombëtar i kryesuar prej tij dhe që përfshin Blair-in.

“Ne kemi konfirmuar gatishmërinë tonë për të punuar me Presidentin Trump, Z. Blair dhe partnerët për të konsoliduar armëpushimin, hyrjen e ndihmave, lirimin e pengjeve dhe të burgosurve, dhe më pas të fillojmë me rimëkëmbjen dhe rindërtimin”, shkroi Sheikh në X.

Kryeministri izraelit Benjamin Netanyahu ka hedhur poshtë idenë që Gaza të drejtohet nga Autoriteti Palestinez.

Home Kryefaqja
Shiko në: YouTube
Lajme të Sugjeruara

Skafi po fundosej në det, shpëtohen dy turistët ukrainas në Ksamil (VIDEO)

Dy turistë ukrainas janë shpëtuar nga policia kufitare në Ksamil pasi rrezikuan të mbyteshin në det. Në njoftim raportohet se policia kufitare konstatoi një skaf...
16:47 | 20/06/2026

New York-u vishet Kuq e Zi, gazetari jep detaje për Paradën e Shqiptarëve

Nga New York-u, gazetari i Euronews Albania, Thimi Samarxhiu, raporton se gjithçka është gati për nisjen e paradës shqiptare, një nga aktivitetet më të mëdha...
16:06 | 20/06/2026

Zhduket e mitura nga Gramshi, familjarët apelojnë për ndihmë për gjetjen e 13-vjeçares

Familjarët e një vajze 13-vjeçare nga zona e Gramshit kanë ngritur alarmin për zhdukjen e saj dhe kërkojnë ndihmën e qytetarëve për çdo informacion që...
15:57 | 20/06/2026