Ushtria izraelite ka deklaruar se ka marrë kontrollin e zonës mbrojtëse përgjatë kufirit Gaza-Egjipt të njohur si Korridori Filadelfi. Kjo do të thotë se tani Izraeli kontrollon të gjithë kufirin tokësor të Gazës.

Një zëdhënës i Forcave të Mbrojtjes të Izraelit  tha se rreth 20 tunele të përdorura nga Hamasi për të kontrabanduar armë në Gaza ishin gjetur brenda zonës.

Ai shtoi se trupat po “hetonin dhe neutralizonin” tunelet e gjetura në kufirin Gaza-Egjipt.

“Izraeli i përdor këto akuza për të justifikuar vazhdimin e operacionit në qytetin palestinez Rafah dhe zgjatjen e luftës për qëllime politike”, u kundërpërgjigj një burim “i nivelit të lartë” egjiptian.

Tensionet midis Egjiptit dhe Izraelit janë rritur që kur forcat izraelite morën kontrollin në anën e Gazës së pikës së kalimit Rafah tre javë më parë, si pjesë e ofensivës së tyre kundër Hamasit.

Egjipti është një mbështetës i fortë i Palestinës dhe ka dënuar fushatën ushtarake të Izraelit në Gaza dhe vrasjen e mijëra civilëve nga Izraeli në luftë.

LEXONI GJITHASHTU:

• Sulmet izraelite vrasin të paktën 37 palestinezë në Gaza
• ‘Izraelitët i kërkojnë SHBA 3 muaj kohë’- Eksperti: Pritet ‘verë e nxehtë’ në Gaza