‘Izraelitët i kërkojnë SHBA 3 muaj kohë’- Eksperti: Pritet ‘verë e nxehtë’ në Gaza

Eksperti i çështjeve ndërkombëtare, Kreshnik Osmani, është shprehur se Izraelitët i kanë kërkuar amerikanëve gjatë një takimi në Kajro edhe 3 muaj kohë, për të përfunduar ofensivën në Rafah dhe asgjësimin e Hamasit.

Komentet Osmani i bëri në emisionin “Now me Erla Mëhillin” në Euronews Albania, ku tha se projeksioni është që Izraeli do e vijojë sulmin në Rafah dhe sipas tij, vera do të jetë ‘shumë e nxehtë’.

Ai tha gjithashtu se krijimi i një shteti palestinez sot është praktikisht i pamundur pasi në të gjitha territoret ku ky shtet do të shtrihej sipas rezolutës së OKB, sot janë vendosur kolonë izraelitë.

“Zgjidhja me dy shtete e kërkuar nga SHBA dhe rezolutat e OKB, sot është pranë një tuneli pa dritë në fund. Kjo sepse rezoluta e OKB parashikon rikthimin e Izraelit në kufijtë e qershorit 1967 dhe shtet palestinez me kryeqytet Jeruzalemin Lindor. Të gjitha zonat ku pretendohej të krijonte shtet Palestina, sot janë me kolonë izraelitë.

Në takimin më të fundit të Izraelitëve me amerikënët në Kajro, në takimin me ndërmjetës të Egjiptit, Katarit dhe me ndërmjetësin amerikan shefin e CIA-s, burime nga takimi tregojnë se izraelitët i kanë kërkuar amerikanëve në konfidencë 3 muaj kohë, që të mbyllë historinë e Rafahut dhe Hamasit.

Kështu ka thënë Netanyahu, që e mbyll Rafahun brenda gushtit. Amerikanët i kanë thënë ‘ne ju tregojmë që vetëm 30 % të Hamasit keni asgjësuar që nga tetori deri tani’. Netanyahu i ka thënë më jepni mundësi deri në gusht, pastaj unë do ua heq të gjitha vështirësitë dhe sikletet.

I ka thënë pas gushtit që unë do mbyllë Rafahun, ju merruni me zgjedhjet në SHBA. Projeksioni i Netanyahut është se do të shkojë drejt sulmimit të Rafahut, nuk do të ndalet. Do të jetë një verë shumë e nxehtë”, tha Osmani.

LEXONI GJITHASHTU:

• Lufta në Gaza| Gjoka: Kërkesa që SHBA i ka drejtuar Izraelit
• Tanket izraelite arrijnë në qendër të Rafahut pas sulmit që vrau 45 civilë