Izraeli paralajmëron banorët libanezë të zhvendosur: Mos u ktheni në shtëpitë tuaja!

Ushtria izraelite po u bën thirrje familjeve libaneze që kanë ikur nga shtëpitë e tyre në Libanin jugor që të mos kthehen ende atje.

Sipas mediave të huaja, evakuimet filluan të hënën pasi Izraeli nisi një valë sulmesh të rënda në zonat ku vepron grupi militant Hezbollah i mbështetur nga Irani.

“Për të gjithë banorët e fshatrave libaneze që u evakuuan nga shtëpitë e tyre për sigurinë e tyre për shkak të pranisë së armëve ose elementeve të Hezbollahut terrorist, bastisjet e IDF vazhdojnë,” shkroi zëdhënësi i IDF në gjuhën arabe Avichay Adraee në ‘X’.

“Për sigurinë tuaj, mos u ktheni në shtëpitë tuaja deri në një njoftim të dytë”, thuhej më tej në njoftim.

Hotelet dhe apartamentet në dhe përreth kryeqytetit libanez të Bejrutit janë rezervuar me shpejtësi pasi familjet kërkojnë strehim të sigurt.

Disa njerëz janë duke fjetur në strehëza ad-hoc të ngritura në shkolla në Bejrut dhe në qytetin bregdetar të Sidonit, ndërsa të tjerë janë strehuar në makina dhe parqe.

LEXONI GJITHASHTU:

• Kryeministri izraelit zotohet të vazhdojë goditjen e Hezbollahut
• Gjashtë të vrarë në një sulm izraelit në Bejrut