Izraeli shpreh shqetësim për programin bërthamor iranian

Izraeli është i gatshëm të përdorë “të drejtën për vetëmbrojtje” për të parandaluar Iranin që të zhvillojë armët bërthamore.

Kështu deklaroi kryeministri izraelit Naftali Bennett në një takim me drejtorin e Agjencisë Ndërkombëtare të Energjisë Atomike, Rafael Grossi.

Bennett akuzoi Teheranin se po mashtron botën për aktivitetet e tij bërthamore.

Ai tha se ishte i shqetësuar për “përparimin e vazhdueshëm të Iranit drejt zhvillimit të armëve bërthamore”, tha zyra e Bennett.

Kryeministri izraelit vuri në dukje nevojën urgjente për të mobilizuar komunitetin ndërkombëtar për të “parandaluar Iranin që të ketë armë bërthamore”.

Ai u shpreh se Izraeli preferon diplomacinë, por ruan të drejtën për vetëmbrojtje dhe veprim në rast se komuniteti ndërkombëtar dështon.

Besohet se Izraeli është e vetmja fuqi bërthamore në Lindjen e Mesme, por vetë vendi refuzon të konfirmojë ose mohojë një fakt të tillë.

LEXONI GJITHASHTU

• Hysaj: Shqipëria, mundësi të artë për vendin e parë pas përjashtimit të Rusisë
• Kosova e nis me fitore Ligën e Kombeve