“Ja e vërteta e vrasjes”, Manjani: Çështja duhej gjykuar në dhomë këshillimi

Juristi Ylli Manjani, i ftuar në emisionin “Now” të enjten në Euronews Albania, me moderatoren Erla Mëhilli, ka dhënë detaje të reja në lidhje me vrasjen e gjyqtarit Astrit Kalaja.

Sipas tij, çështja që ka ndjekur gjyqtari Astrit Kalaja ka qenë në lidhje me një gjobë të një zyre përmbarimore, e cila duhej gjykuar në dhomë këshillimi dhe pa prezencën e palëve.

“Pyetja është pse e ka gjykuar në seancë të hapur dhe kjo është gjëja më interesante. Gjyqtari ka kërkuar në mënyrën më qytetare, në kundërshtim me rregullat e kohës, ku i ka thënë sekretares: ‘më thirr në gjyq palët se janë shkodranët e mi dhe duhet t’i sqaroj me gojën time dhe e di se janë të tensionuar dhe po shkojnë në sherr kot’. Kjo është e tmerrshme.

Kjo ka qenë arsyeja pse gjyqtari, kundër rregullave me gjykim të mbyllur, i ka thirrur palët si shkodranët e vet, për t’i sqaruar dhe për t’u thënë çfarë është e drejta, çfarë ju takon dhe çfarë jo.

E drejta e tyre është sot në Gjykatën e Lartë, atje është çështja e pronësisë për t’u vendosur, jo në Gjykatën e Apelit. Me këtë mirësi që ky zotëri bëri, mori plumbin. Tani jepini lekë vrasësit”, u shpreh Manjani.

LEXONI GJITHASHTU:

• Vendimi i Kushtetueses për Tiranën, Manjani: S’bëhet dot asnjë veprim për zgjedhje