Kryeministri Edi Rama tha në një intervistë për Zërin e Amerikës se është i qetë e i vendosur që beteja ndaj pandëshueshmërisë të vijojë.

I pyetur në lidhje me hetimin e nisur nga SPAK për kryetarin e Bashkisë së Tiranës, Kryeministri Rama thotë se fakti që një person është në hetim nuk e bën atë automatikisht fajtor.

“Unë nuk komentoj raste individuale, nuk e kam bërë asnjëherë, përveçse kur ka pasur një vendim përfundimtar gjykate, sic ka qenë rasti i një shpifësi recidiv. Por mund të them vetëm që, fakti se cilido është i hetueshëm, nuk e bën cilindo të fajshëm, dhe nga ana tjetër, gjyqet nuk bëhen në media, por gjyqet bëhen në proceset ligjore dhe kushtetuese… Opinioni im dihet. Është i njohur botërisht. Përballë drejtësisë dhe përballë ligjit dhe përballë të drejtës së institucioneve të drejtësisë për të bërë punën e tyre, nuk janë emrat që caktojnë se për kë e bëjnë apo për kë s’e bëjnë punën, por janë faktet dhe janë liritë dhe të drejtat e të gjithëve, që duhen ushtruar dhe duhen vënë në zbatim, duke filluar nga liria dhe e drejta e drejtësisë, që të bëjë detyrën e vet”, tha Rama.

LEXONI GJITHASHTU:

• Hetimi i SPAK, Mbrojtja e Erion Veliaj: Është keqdashës dhe në kundërshtim me ligjin
• SPAK reagon zyrtarisht mbi çështjen e Erion Veliajt