“Jam kërcënuar”- Avokati i Belerit për deklaratat e dëshmitarit: Vetëm gënjen

Avokati i kryebashkiakut të zgjedhur të Himarës, Fredi Belerit, i cili ndodhet në burg për blerje votash, është shprehur se dëshmitari Arsen Rama vetëm shpif dhe gënjën në shërbim të qeverisë.

Komentet avokati i bëri përmes një deklarate për mediat, pas pyetjes së gazetarëve lidhur me pretendimin e dëshmitarit se ndaj tij është ushtruar dhunë dhe kërcënime.

Ai shtoi se Arsen Rama ka nxitur kryerjen e një krimi dhe i bëri thirrje SPAK që ta marrë nën hetim e ta arrestojë.

“Dëshmitar vetëm ky është. Ai gënjen në të gjitha pikat. Nëse është kërcënuar dhe ka vajtur, kishte takime personale vetëm me shefin e Komisariatit. Atje Arsen Rama thotë që e kanë rrahur dhe kërcënuar. Ai ka nxitur kryerjen e një krimi.

Atë doni të besoni, atë besoni. Vëllai i vetë ka thënë në televizionet tuaja që “vëllai im ka gabuar”, por e zhdukën menjëherë atë, e zhduku shteti. Edhe unë sa herë vete nëpër njerëz dhe u them votoni këtë, votoni atë.

Në të gjitha zgjedhjet, njerëzit dalin dhe bëjnë fushatë për të kërkuar votën. Po ai ishte kushëriri i vetë moj. Ta marri SPAK atë ta fusë në burg. Pse merr Belerin. Ka Struktura të Posaçme? Le ta zbulojnë lidhjen mes Belerit dhe atij. Nuk ka pasur përballje mes Belerit dhe Arsen Ramës, janë ku e ku larg njëri-tjetrit”, është shprehur avokati i Belerit.

LEXONI GJITHASHTU:

• Kërkon lirinë, Beleri: “Harresa” me dosjen time është në kundërshtim me ligjin
• Zyrtari grek mesazh nga Këlcyra: Beleri duhet të betohet, të respektohet ligji