“Jam në një dhome sigurie!” ambasadorja Kumbe: Kur dëgjoj alarmin, futem brenda

Ambasadorja e Shqipërisë në Izrael, Meri Kumbe ishte këtë të hënë e ftuar në një lidhje direkte për “Now me Erla Mëhillin” për të folur për situatën aktuale në Izrael.

Ajo tha se vetë ajo dhe punonjësit e ambasadës shqiptare në Izrael ndodhen pranë një dhome sigurie ku janë udhëzuar të futen ën rast se bie alarmi i cili lajmëron për sulme.

“Po përpiqemi të jemi të sigurt. Kemi marrë udhëzime për të minimizuar sa më shumë të jetë e mundur lëvizjet. Unë jam pranë një dhome sigurie, ku të gjithë qytetarët në momentin që dëgjohet alarmi duhet të futemi menjëherë në dhomat e sigurisë.

Përpiqemi të bëjmë më të mirën tonë. Është privilegj të përfaqësosh shtetin dhe është detyrë e shtetit e në këtë rast patjetër edhe e imja, të qëndrojmë në lartësinë e detyrës e tu gjendemi pranë në mënyrën më të mirë qytetarëve tanë.

LEXONI GJITHASHTU:

• Cili është qëllimi i vërtetë i Izraelit? Eksperti zbardh strategjinë
• Nga Jerusalemi shqiptarja rrëfen tmerret e luftës mes raketave të Hamasit