“Jam pranë mikut tim, Hashimit”- Haradinaj reagon për vdekjen e babait të Thaçit

Ish-kryeministri i Kosovës, Ramush Haradinaj, ka reaguar për ndarjen nga jeta të Haxhi Thaçit, babait të ish-Presidentit të Kosovës Hashim Thaçi.

Përmes një postimi në facebook, Haradinaj vlerëson makimalisht figurën e Haxhi Thaçit dhe shpreh ngushëllimet ndaj familjarëve dhe miqve.

Haradinaj thekson se dhimbja në familje është edhe më e madhe teksa ish-kryeministri Thaçi ndodhet në Hagë duke mbrojtur luftën e shenjtë të UÇK-së.

“Lajm i hidhur ndarja nga jeta e Haxhi Thaçit, babait të luftëtarit të orëve të para, bashkëluftëtarit tim dhe ish-Presidentit të Kosovës, Hashim Thaçi.

Baca Haxhi e mbylli jetën duke lënë pas një histori të tërë sfidash e sakrificash, por ndarja e tij vjen në një moment edhe më të rëndë për familjen Thaçi. Në këtë ditë zie, familja Thaçi po përballet jo vetëm me humbjen e njeriut të tyre të dashur, por edhe me mungesën e Hashimit, i cili, me bashkëluftëtarët e tjerë, po mbron luftën e shenjtë të UÇK-së në Hagë.

Në këtë moment dhimbjeje, jam pranë mikut dhe bashkëluftëtarit tim Hashimit dhe mbarë familjes Thaçi. Zoti ju forcoftë!”- shkruan Haradinaj.

LEXONI GJITHASHTU:

• Ndahet nga jeta babai i Hashim Thaçit
• Ndarja nga jeta e babait të Thaçit, reagon kryeministri Rama: Baba iku krenar Hashim