Java e 11-të e Superligës Shqiptare solli një tjetër ndalesë për Dinamon. Kampionati shqiptar numëron 11 javë të luajtura, ku nuk ka pasur shumë ndryshime nga fundi i fazës së parë, me ekipet që thuajse nuk kanë ndryshuar shumë. Në krye qëndron Partizani, i ndjekur nga Vllaznia, dhe më pas nga Dinamo, me këta të fundit që të enjten nuk arritën më shumë se një barazim me Bylisin, në një ndeshje të dominuar nga ballshiotët. Paralelisht u luajt dhe përballja mes Teutës dhe Elbasanit, e cila u mbyll me rrjeta të paprekura.
Të vetmet skuadra që arritën të marrin pikët e plota në javën e 11 të kampionatit shqiptar janë Partizani, Vllaznia dhe Laçi, me kurbinasit që i shkaktuan humbjen e katërt Egnatias për këtë sezon.
Të kuqtë likuiduan Skënderbeun në transfertë me një dopietë të Bintsouka, ndërsa Tirana u mposht nga Vllaznia me shifrat 3-4 dhe e sheh veten në vendin e shtatë, thuajse në zonën e ftohtë. Në krye qëndron Partizani, i ndjekur nga Vllaznia, Dinamo dhe Elbasani. Më tej vijojnë Egnatia, Teuta, Tirana, Skënderbeu, Laçi dhe në vendin e fundit Bylis.
LEXONI GJITHASHTU:
- 94 gola në fazën e parë të Superligës, “Elbasan Arena” rekord tifozërie
- Superliga: Vllaznia barazon 2-2 me Tiranën, Partizani merr 3 pikët e para
