“Jemi drejt 1 tjetër kasaphane”, gazetari: PD të refuzojë asgjësimin e koalicioneve

Gazetari Bledar Koka tha në “Now me Erla Mëhillin” në Euronews Albania se zgjedhjet në Shqipëri rrezikojnë të shkojnë drejt një tjetër kasaphane.

Ai tha se Partia Demokratike nuk duhet të dalë nga komisioni Zgjedhor pa zhbërë fillimisht nenin të cilin ai e cilësoi antidemokratik që eliminon koalicionet.

“Ne duhet të flasim e të analizojmë situatën në vendin ku jetojmë e me problematikat që ka, me dramat që na raporton jo opozita, por raportet e OSBE. Pyetja që kam për opozitën është çfarë po bën në tryezë me Damian Gjiknurin, ai është i njëjti që bëri “tërmet” në Dibër, është i njëjti që bëri marrëveshjen.

Ti nuk e zgjedh dot kundërshtarin, por zgjedh dhe imponon kërkesat që ke për kundërshtarin. Nëse Parti Demokratike del nga reforma zgjedhore pa zhbërë nenin anti-demokratik që asgjëson koalicionet në Shqipëri ne po shkojmë drejt një kasaphane tjetër. Koalicionet janë të rëndësishme”,-tha Koka.

LEXONI GJITHASHTU:

• “Ia fusin gjumit në fushatë”, Sula: Ja deputetët “gjumashë” të PD që duan mandat
• A ka pazar mes Ramës dhe Berishës? Përgjigjet Dash Sula