Jo vetëm roje, spiuni rus në ambasadën britanike dënohet me 13 vjet burgim

Një spiun që i kishte dhënë Rusisë informacione jashtëzakonisht të ndjeshme, teksa po punonte si roje në ambasadën britanike në Berlin, është dënuar me 13 vjet e 2 muaj burgim nga një gjykatë në Londër.

Gjykata tha se David Ballantyne Smith, 58 vjeç, kishte mbledhur informacione konfidenciale për më shumë se tre vjet, përfshirë edhe komunikime “sekrete” të kryeministrit të atëhershëm britanik, Boris Johnson, dhe dokumente të tjera të ndjeshme.

Gjykatësi Mark Wall tha se Smith kishte kryer këto veprime në mes të vitit 2020 dhe 2021, shkruan REL.

Në nëntor të vitit të kaluar, Smith pranoi fajësinë për tetë akuza.

LEXONI GJITHASHTU:

• Kapet kamioni me lëndë drusore, arrestohen dy persona dhe inspektori i pyjores
• Rusia synon t’i japë fund dominimit botëror të Perëndimit, thotë Lavrov