Joe Biden prezanton ekipin anti-COVID

Presidenti i zgjedhur i Shteteve të Bashkuara të Amerikës, Joe Biden, prezantoi të martën ekipin që do të udhëheqë çështjen e pandemisë dhe foli për hapat që do të ndërmarrë gjatë ditëve të para të mandatit si president.

Z.Biden prezantoi hapat  që do të ndërmarrë në 100 ditët e para të mandatit të tij, lidhur me COVID-19, të cilat i bëri publike në një postim në Twitter:

“Të gjithë do të mbajnë maskë. Do të siguroj 100 milion vaksina. Do të rihap shumicën e shkollave.”

Z.Biden ka thënë se me këto hapa, ne mund të ndryshojmë situatën e sëmundjes dhe të ndryshojmë jetën në Amerikë për mirë.

Today, I’m announcing key COVID-19 priorities for the first 100 days of my administration:

– Everyone wears a mask
– 100 million vaccinations
– Reopen the majority of schools

With these steps, we can change the course of the disease and change life in America for the better.

— Joe Biden (@JoeBiden) December 8, 2020

Presidenti i zgjedhur Joe Biden, prezantoi anëtarët e ekipit që do të udhëheqin çështjen e pandemisë në SHBA.

Xavier Becerra, prokurori i Kalifornisë, u emerua në postin e Sekretarit të Departamentit të Shëndetësisë.

Dr. Rochelle Walensky, u zgjodh shefe e departamentit të sëmundjeve infektive në Spitalin e Përgjithshëm në Boston, për të drejtuar qendrat për Kontrollin dhe Parandalimin e Sëmundjeve.

Dr. Vivek Murthy u emërua në postin e drejtuesit të lartë të administratës për shëndetin.

Dr. Anthony Fauci, i cili aktualisht mban postin e drejtorit të Institutit Kombëtar të Alergjive dhe Sëmundjeve Infektive, u emërua si këshilltari kryesor mjekësor i Z.Biden për pandeminë.

Lidhur me udhëzimet e dhëna nga Dr. Fauci në SHBA, ai po i vendos në zbatim edhe për ditëlindjen e tij.

Anthony Fauci me datë 24 dhjetor mbush 80 vjeç, dhe ka deklaruar se ditëlindjen e tij do ta festoje online, në zoom, me bashkeshorten dhe tre vajzat e tij që i gjenden larg.