Ish-kryeministri britanik Boris Johnson kritikoi sot marrëveshjen e kryeministrit aktual Rishi Sunak me Bashkimin Evropian për Irlandën e Veriut pas Brexit.
Ai tha se Sunak lejoi që Unioni të ruante shumë ndikim në Mbretërinë e Bashkuar.
Reuters raporton se Sunak arriti një marrëveshje të re në fillim të kësaj jave për të lehtësuar kufizimet tregtare në Irlandën e Veriut të sunduar nga Britania, duke anuluar pjesërisht marrëveshjen e mëparshme të Johnson, e cila kishte kontrolle dhe dokumentacion shtesë për mallrat që mbërrinin nga pjesa tjetër e Britanisë.
Johnson ka vlerësuar se do ta ketë “shumë të vështirë të votojë” marrëveshjen e re, sepse mendon se duhet të ishte bërë ndryshe.
Sipas Reuters, megjithëse Partia Laburiste e opozitës pritet të votojë për marrëveshjen, mosmarrëveshjet midis Sunak dhe Partisë Konservatore të Johnson mund të ringjallin ndarjet e thella ideologjike që penguan votimin e vitit 2016 për t’u larguar nga BE.
Agjencia shton se paundi ra kundrejt dollarit amerikan dhe euros pas komenteve të Johnson.
LEXONI GJITHASHTU: