Jonila Godole: Rama bëri një krim me të dhënat, por e shiti si çështje qesharake

Drejtuesja e Institutit për Demokraci, Media dhe Kulturë, Jonila Godole theksoi se zbutja e toneve nga kryeministri Edi Rama ka çuar në demotivimin e palës tjetër sepse nuk kanë pasur ku ta godasin politikisht.

Duke komentuar çështjen e “patronazhistëve”, znj. Godole u shpreh se Rama e përdori këtë temë në mënyrë mjeshtërore dhe e shiti në publik sikur të ishte diçka “krejt qesharake” dhe aspak problematike për qytetarët.

“Rama nuk është më agresiv dhe tek pjesa tjetër i ka demotivuar se nuk ka ku ta ngacmojnë. Ka një gjë normalisht, ishte kjo gjëja me patronazhin dhe patronazhistët, e cila në mënyrë mjeshtëror u përdor nga Rama për ta bërë sa më qesharake në daljet e tij në ditët e fundit, ai i mori në mbrojtje, dhe tha se është normale. Pra, bëri normale diçka që në thelb përbën një krim”, tha ajo.

Ky veprim për znj. Godole në një vend tjetër do të përbente një skandal të madh.

“Edhe një gjë që është kaq delikate Në një vend normal demokratik do të kishte përbërë një skandal dhe do kishte një hetim menjëherë de jo të hetoheshin të partë gazetarët, edhe ky skandal kaq i madh, ai mundi në mënyrë mjeshtërore dhe me ndihmën e mediave dhe në daljen e emisioneve të mediave duke i kthyer në batutë. Duke thënë se kjo është një gjë normale.”, tha ajo.