Juristi: Shqiptarët në Gjermani më të interesuar për profesionet e kualifikuara

Gjermania është në prag të një hapi të madh: Për herë të parë në historinë e saj, lejon pa kushtëzime shtetësinë e dyfishtë.

Parlamenti Gjerman në Berlin ka filluar konsultimet për reformimin e ligjit të ri të shtetësisë gjermane.

Juristi Rafael Todhe, tregoi në emisionin GoodMorning Albanians në Euronews Albania se shqiptarët në Gjermani janë më shumë të interesuar për ligjin e profesioneve të kualifikuara se sa nënshtetësi gjermane.

“Ligji i nënshtetësisë është i tejzgjatur, shqiptarët janë të interesuar më shumë për ligjin për të drejtën e personave të kualifikuar që është më i rëndësishëm për shumicën  e shqiptarëve, është shumë i lehtësuar se i jep të drejtë çdo personi të kualifikuar të vijë në Gjermani të kërkojë vendin e punës. I jepet e drejta të punojë në çdo punë jo vetëm në profesionin e tij, nuk ka kriter gjuhe, por duhet ta njohësh gjuhën për të komunikuar”, shpjegoi juristi.

LEXONI GJITHASHTU:

• Shqiptari nga Gjermania: Prita 27 vite për pasaportën gjermane
• Gjermania jep nënshtetësi pa kushte! Ja kush e përfiton më shpejt…