Kadilli “godet” Berishën: A vjen ndryshimi nga bilbilat? Ju nuk keni moral

Anëtari i Këshillit Kombëtar të Partisë Demokratike, Fatbardh Kadilli tha në emisionin Now në Euronews Albania se mazhoranca aktuale nuk largohet me aksione bilbilash në Parlament.

Sipas Kadillit, njerëzit duan një propozim të ri politik, që siç tha nuk mund të vijë nga kjo opozitë që nuk e ka moralin e duhur për të sjellë ndryshimin.

“Kemi të bëjmë me një mazhorancë që sillet si uzurpatore. Nga ana tjetër na intereson si sillet opozita për t’u përballur me mazhorancën. Opozita bën gjithçka, thërret interpelancë, i bie edhe bilbilit. E reja që mungon është; a mund të vijë ndryshimi nga bilbilat dhe sfida e sforcuar në parlament? Njerëzit nuk duan të dinë shumë, duan një propozim të ri politik që nuk vjen absolutisht nga një opozitë që bart me vete moralin që i duhet ndryshimit”, tha Kadilli.

LEXONI GJITHASHTU:

• Bushati thirrje të fortë Berishës: Futuni në grevë urie, po bëhemi dele të qeverisë
• Berisha: Të enjten sërish protestë para Kuvendit