Përfaqësuesja e Lartë e Bashkimit Evropian për Politikë të Jashtme dhe Siguri, Kaja Kallas, u takua këtë të martë më Kryeministrin e Kosovës Albin Kurti dhe me Presidentin e Serbisë, Aleksandër Vuçiç.

Në një postim në rrjetin social X, Kallas zbulon nga takimi se ka kërkuar zbardhjen e sulmit terrorist në Banjskë të Zveçanit. Ajo gjithashtu thekson se rruga e vetme për anëtarësim në BE është normalizimi i marrëdhënieve Kosovë-Serbi në bazë të marrëveshjes së Ohrit.

Ndërsa për sulmin terrorist në kanalin e Ibër-Lepencit, për të cilin Kosova akuzoi Serbinë, Kallas ka thënë se përgjegjësit duhet të dalin para drejtësisë.

“Takova Albin Kurtin dhe Aleksandër Vuçiç. Rruga e vetme për anëtarësim në BE është normalizimi i marrëdhënieve të tyre, në bazë të marrëveshjes së Ohrit. E mirëprita gatishmërinë për të bashkëpunuar plotësisht pas sulmit të fundit terrorist. Autorët duhet të përballen me drejtësinë”, tha Kaja Kallas.

LEXONI GJITHASHTU:

• Kurti me Kallas: I kërkova që Serbia të dorëzojë terroristin Milan Radoiçiç
• Ministrja në Kosovë njofton ‘zgjidhjen e re inxhinierike’ në Ibër Lepenc