Kaluan afatet e paraburgimit, lirohet Vangjush Dako

GJKKO ka ndryshuar masën e sigurisë për ish-kryebashkiakun e Durrësit Vangjush Dako, nga arrest në burg në arrest në shtëpie.

Dako u lirua pasi kanë kaluar afatet e paraburgimit.

Dako u arrestua më 6 qershor me urdhër të Prokurorisë së Posaçme me dyshimet se ka shpërdoruar detyrën në dy raste. E para ka të bëjë me dhënien e lejes për ndërtimin e një pallati në Durrës në kundërshtim me ligjin, dhe çështja tjetër me tenderin për projektin e zhvillimit të vijës bregdetare që iu rrit vlera 10-fish.

Gjithsej bashkë me Dakon u lëshuan 10 urdhër arreste, 7 prej të cilave me arrest në burg dhe 3 në arrest shtëpie. Të hënën, GJKKO pasi shqyrtoi kërkesën e ndërtuesit të pallatit që u dëmtua nga tërmeti i nëntorit 2019, Fiqiri Farruku, për zbutje të masës së sigurisë, vendosi ta çojë nga “Arrest në burg” në “Arrest shtëpie”.

LEXONI GJITHASHTU:

• Amnistia penale, Alibeaj: Jemi dakord që të përfshihen të gjithë protestuesit
• Mungon akt-ekspertimi topografik, shtyhet seanca për Vangjush Dakon