Kampionati Europian i Notit, Shqipëria thyen rekordin e vitit 2009

Paraqitjet në kampionatin evropian të notit vijojnë të jenë pozitive për kombëtaren shqiptare, e cila mbylli ditën e katërt në Beograd.

Këtë herë ishte radha e stafetës, aty ku djemtë kuqezi zhvilluan paraqitje pozitive, duke vendosur një tjetër rekord komëbtar. Konkretisht katërshja Lavdaniti, Priska, Koxhaku e Qarri ishin ata të cilët morën pjesë në garën 4 x 100m stili i lirë.

Shqipëria u rendit e 8-ta por vendosi një rekod të ri kombëtar duke thyer atë të 2009-ën, asokohe në lojërat mesdhetare të zhvilluara në Itali, ku ishte koha 3.40.93, ndërsa në Beograd u përmirësua me 3 sekonda, konkretisht 3.37.80.

Zhulian Lavdaniti po ashtu mori pjesë në garën 50m shpinë, ku vendosir kohën 27.17, koha me e mirë në aspektin personal. Më herët, në ditën e 3-të të europianit ishte radha e Kaltra Meçës, e cila synon dhe lojërat olimpike të Parisit që bëri një përmriësim prej 5 sekondash ne 200m stili i lirë.

E njëjta gjë dhe nga Xhemollari e Koxhaku, me këtë të fundit që vendosi 2 rekorde të reja kombëtare për të rinj e të rritur. Për 15 vite me radhë rekordi nuk ishte thyer që prej 2009-ës i vendosur në botëror nga Endi Babi.

LEXONI GJITHASHTU:

• “Kishte ambicie”, regjisori tregon historinë e Mirush Kabashit në garën e notit
• Gersi, kampioni i notit me sindromën Down: Nuk do të iki kurrë nga Shqipëria