Kampione Kombëtare në Peshëngritje| Arjeta Rade, durrsakja që theu tabutë

30 Prill 2024 | 15:55

Edhe pse një sport kryesisht për meshkuj, Arjeta Rade është peshëngritësja që për 8 vite rresht është shpallur kampione kombetare. Ajo tregon se si e nisi sportin e shtangës dhe sot synon të përfaqësojë Shqipërinë ne Kampionatin Botëror.

“Idhulli është vetja ime. Unë zgjohem në mëngjes për t’u stërvitur, për t’i dalë ditës para, jam idhull i vetes sime. Dua thjesht të punoj, që të përmirësohem sa më shumë”, tha sportistja Arjeta Rade.

I konsideruar gjithnjë si sport tabu për femrat, paragjykimit nuk i shpëtoi as Arjeta.

“Rrugëtimi im drejt peshëngritjes nisi krejt rastësisht. Unë kam qenë volejbolliste, por kisha kontakt me një mikun tim që ishte peshëngritës e më tha ta nisja dhe unë. Në momentin që erdha këtu, trajneri më tha ‘Jo, unë nuk marr goca’. Unë i thashë më shiko njëherë, se ndoshta nuk të zhgënjej si sportistet e tjera”, tha Rade.

“Familjarët e mi nuk kanë qenë dakord fare që unë të merrem me peshëngritje, në fakt vijojnë të mos jenë dakord, por më mbështesin në vendimet e mia”, tha Arjeta Rade.

Duke thyer paragjykimet e besuar fort në vete, 24-vjeçarja 2 vite më parë ishte e vetmja shqiptare që hyri në zonën e medaljeve në Evropianin e Peshëngritjes për të Rinj & U-23.

Një surprizë e bukur kjo edhe për trajnerin e saj.

“Jo se mendova keq për Arjetën, por kjo më doli burrë më burrë se burrat”, tha trajneri Besnik Psatha.

“107 që ka çuar ajo në shtytje është një rezultat shumë i lartë dhe është premtues për shumë më lart”, tha Psatha.

Paraqitje që sot i bën të gjithë krenar, por që ka nga pas një punë kolosale.

“Peshëngritja ka diçka të veçantë, ndryshe nga sportet e tjera, nuk i gjendet asnjëherë limiti. Pas çdo peshe do të ngresh edhe një kg më tepër”, tha sportistja Arjeta Rade.

“Për të mbajtur rezultatin nuk është e thjeshtë. Profesori im thotë një shprehje ‘E lë një ditë, të lë një javë, e lë një javë të lë një muaj, e lë një muaj të lë një vit’. Duhet të jesh konsistente. Duhet të kesh dhe motivim, por ajo që të bën të kesh rezultatin më tepër është disiplina”, tha Rade.

Një Garë Islamike dhe Kampionati Botëror në dhjetor janë sfidat e radhës për Arjetën dhe trajnerin e saj, që premtojnë të arrijnë rezultate shumë më të larta.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

“Opozitë e krimit”! Protestuesit nga selia e PS-së shkojnë para selisë së PD-së

Pas tubimit përballë kryeministrisë qytetarë u mblodhën fillimisht para selisë së Partisë Socialiste dhe më pas u drejtuan edhe pranë selisë së Partisë Demokratike. Protestuesit...
23:07 | 03/06/2026

Rama për median ndërkombëtare: Shqipëria nën sulm nga armiqtë dhe në luftë hibride

Kryeministri Edi Rama këtë të mërkurë ka zhvilluar një intervistë për CNN ku ka folur lidhur me protestat që po zhvillohen kundër ndërtimit në Zvërnec....
21:35 | 03/06/2026

Dita e katër e protestës kundër projektit në Zvërnec, përplasje mes policisë dhe protestuesve

Dita e katërt e protestës kundër projektit në Zvërnec ka nisur këtë të mërkurë me tensione. Situata është përshkallëzuar kur protestuesit janë hasur me kordonin...
18:47 | 03/06/2026