Kampioni i botës Oleksandr Usyk ndalohet në Poloni

Kampioni i unifikuar i botës në kategorinë e rëndë të boksit, ukrainasi Oleksandr Usyk, është liruar në aeroportin e Krakovit në Poloni, pasi ishte ndaluar më 17 shtator, tha presidenti i Ukrainës, Volodymyr Zelensky.

Një video e publikuar në rrjetet sociale shfaqi Usykun të lidhur me pranga në aeroport.

Nuk është e qartë pse u ndalua kampioni i botës në boks.

Usyk e përshkroi në Instagram ndalimin e tij të shkurtër si “një keqkuptim që u zgjodh shumë shpejt”.

Kampioni i botës në WBC, WBO dhe WBA, i cili e fitoi edhe medaljen e artë në Lojërat Olimpike Londra 2012, cilësohet hero kombëtar në Ukrainë.

Usyk e ka mbështetur publikisht qëndrimin e Ukrainës për t’i bërë ballë luftës së Rusisë në atdheun e tij.

LEXONI GJITHASHTU:

• Caktohet data e ndeshjes së revanshit mes Usyk dhe Fury
• Usyk shpallet kampion botëror i boksit pas garës me Tyson Fury