Kampionia e botës në ski, Sophie Sorschag do të përfaqësojë Kosovën

Kampiona e botës në ski, Sophie Sorschag do të përfaqësojë Kosovën në garat ndërkombëtare.

Lajmi është bërë i ditur nga Komiteti Olimpik i Kosovës përmes një postimi në rrjetet sociale.

24-vjeçarja u shpall kampione në vitin 2021 ku përfaqësoi Austrinë, teksa në vitin 2022, mori jesë në Lojërat Olimpike Dimërore në Pekin.

“Kampionia e botës, Sophie Sorschag, do të “fluturojë” për Kosovën. Një lajm i bujshëm ka ardhur nga Federata Skitare e Kosovës (FSK). FSK ka arritur marrëveshje me skitaren e kërcimeve me ski, Sophie Sorschag, e cila Tani e tutje do ta përfaqësojë Kosovën në garat ndërkombëtare.

24-vjeçarja është kampione bote me Austrinë në ekipore për vitin 2021, ndërsa vitin e kaluar mori pjesë në Lojërat Olimpike Dimërore Pekin 2022. Marrëveshja mes drejtuesve të FSK-së, kryetarit Milaim Kelmendi e nënkryetarit Bujar Turjaka dhe ekipit të Sorschag, u arrit sot në Ljubljanë të Sllovenisë. I urojmë shumë fat e suksese Sorschagut në fanellën e Kosovës”, thuhet në njoftim.

LEXONI GJITHASHTU

• Akuzohet për ngacmim seksual, arrestohet futbollisti Dani Alves
• Ronaldo publikon foton me Messi-n: Është mirë të takosh disa shokë të vjetër
• Bayerni zyrtarizon portierin zviceran, Yann Sommer blerja më e re e kampionëve