Kampusi i ri i Drejtësisë, Rama: Detyrat tuaja i dini ju, detyra jonë është të mbështesim sistemin

Kryeministri Edi Rama ishte i pranishëm në prezantimin e programit për konkursin ndërkombëtar të Qendrës së Drejtësisë. në fjalën e mbajtur me këtë rast Rama tha se ky është financimi më i madh dhe tha se ndërsa drejtësia bën punën e saj, detyra e qeverisë është që ta mbështesë sistemin.

“Është pa diskutim financimi më i madh që mund të jetë bërë ndonjëherë për infrastrukturën administrative. Sot janë krijuar mundësitë dhe janë përmbushur edhe një sërë arsyesh për ta bërë këtë sepse jemi në një proces kur pas një reforme shumë rrënjësore në drejtësi, duhet të vazhdojmë të bëjmë detyrat. Ndërkohë që detyrat tuaja i dini dhe bëni ju, detyra jonë është që të vazhdojmë ta mbështesim sistemin që ai të funksionojë me kushtet dhe standardet më të larta. Këtë nuk mund ta themi sot duke marrë parasysh kushtet ku punojnë gjykatësit, prokurorët dhe sa mbrapa është sistemi në aspektin e teknologjisë”,  tha Rama.