Kanadaja sekuestron asetet e oligarkut rus me vlerë 26 milionë dollarë 

Qeveria kanadeze njoftoi sot se do të nisë procesin e konfiskimit të pasurisë së oligarkut rus Roman Abramovich, me vlerë 26 milionë dollarë.

Kanadaja ka ndërmarrë hapat e nevojshëm formal dhe ligjor për të konfiskuar pronën e Granit Kapitol Holdings Ltd në pronësi të Abramovich, e cila mbulohet nga sanksionet aktuale kundër Rusisë për shkak të sulmit në Ukrainë, raportoi Reuters.

Me atë rast, ministrja kanadeze e financave Christia Freeland foli, duke i quajtur oligarkët rusë bashkëpunëtorë në “pushtimin ilegal dhe barbar të Ukrainës”.

“Prandaj, Kanadaja nuk do të jetë një strehë për përfitimet e tyre të paligjshme,” tha ajo.