Kandidate e PS në listën e hapur, Edona Bilali kërkon votën në qarkun e Shkodrës

Deputetja dhe kandidatja e Partisë Socialiste në qytetin e Shkodrës, Edona Bilali rikthehet për të kërkuar votën e shkodranëve për zgjedhjet parlamentare të 11 majit. Ajo thekson se puna konkrete që është bërë në këto vite në Shkodër, I jep më shumë besim për ti kërkuar votën qytetarëve.

“Për mua është kënaqësi që garoj sërish nën siglën e Partisë Socialiste, ndryshe nga sa garoja për herë të parë, tashmë shkojmë tek qytetarët shkodranë jo vetëm me premtime por me punë konkrete të realizuara. Shkodra ngado që kthehesh është kantier, është më e kollajtë edhe për mua si përfaqësuese e PS me kërku një vazhdimësi që ritmi i punëve të mira dhe projekteve akoma ma ambicioze që qeveria ka për Shkodrën mos me njoftë ndalesë”, tha ajo.

Bilali rëndit disa nga arritjet e rëndësishme që ka lobuar për Shkodrën gjatë këtyre 4 viteve.

“Kartoni Jeshil është një nga iniciativat që e kam marrë shumë për zemër për shkak të një numri shumë të madh të komunitetit që e kërkonin nga Shkodra por dhe në rolin e ministres për sipërmarrjen përveç se me lehtësu disa praktika aplikimesh me biznesin gjithashtu u krijua një ligj i posatçëm, ligji i start up-ve, u themelua një axhensi e cila gjithashtu disbursoj 10 mln euro brenda një mandate i cili ishte dhe premtimi i Partisë Socialiste në vitin 2021”, shton kandidatja për deputete e PS-së.

Në fund Bilali bën thirrje që vota për Partinë Socialiste është garanci për vazhdimësinë e investimeve në Shkodër.

“Sot nëse një shkodran voton pa tifozllëk, e ka zgjedhjen shumë të thjeshtë. Për cerdhe e kopshte me infrastrukturë ma të mirë, për shkolla ma të mira , diploma duale, infrastrukturë publike , kande lojrash pa pagesë për fëmijët, për ndihëm ekonomike ma të madhe …”.

Edona Bilali është një nga kandidatet e Partisë Socialiste në qarkun Shkodër në listat e hapura.

LEXONI GJITHASHTU:

• Del në dritë dosja hetimore e Maks Velos, historia përmes dokumenteve të “Sigurimit”
• GJKKO ndan dosjen “Metamorfoza”, pranon pjesërisht kërkesën për gjykim të shkurtuar