Kandidati i Vetëvendosjes për Prishtinën: Sot një ditë e rëndësishme për demokracinë

Kandidati për kryetar të Prishtinës nga Lëvizja Vetëvendosja, Arben Vitia votoi në shkollën “Ali Sokoli” ku ftoi qytetarët të dalin sa më masvisht në zgjedhje.

Në një deklaratë për mediat ai tha sot është një ditë e rëndësishme jo vetëm demokracinë, por edhe për jetët e qytetarëve.

“Pas një fushate të gjatë dhe tw ndershme nga kandidatët, sot wshtë një ditë shumë e rëndësishme jo vetëm për demokracinë, por për jetët tona. Sot flasin qytetarët dhe është me rëndësi që qytetarët tw japin verdiktin e tyre sot. Unë i ftoj qytetarët që të dalin sa më masivisht në zgjedhje, sepse sa më masive, aq më i fortë është verdikti i qytetarëve, të cilit i nënshtrohemi ne”, tha ai.