Në shumë nga bashkitë e vendit Partia Socialiste ka risjellë të njëjtët emra kandidatësh të cilët janë tashmë në krye të bashkive, por sigurisht ka pasur edhe ndryshime në listën emërore.
Një prej tyre është edhe emri i kryebashkiakut Dritan Leli, i cili është zëvendësuar me emrin e kandidatit për bashkinë e Vlorës Ermal Dardha. Deputeti Etjen Xhafaj tha për Euronews Albania se ky vendim nuk mund të konsiderohej i papritur pasi për Vlorën kishte kohë që diskutohej se do të kishte ndryshim.
“Kjo ishte e papritur për ju? Se për Bashkinë e Vlorës ka pasur disa kohë, vite, që flitej për ndryshimin. Janë zhvilluar krahas saj edhe sondazhe edhe komunikim i drejtpërdrejtë, jo vetëm nëpërmjet sondazheve por edhe nëpërmjet produktit të përkushtuar të secilëve nga kolegëve të mi sa i përket Bashkisë së Vlorës. Është komunikuar me qytetarët për të parë dhe vlerësuar punën e bashkisë së dyti edhe atë që duhet bërë në Vlorë. Vlora është bashkia më e madhe e jugut, e cila ka një kapitull të matshëm dhe duhen adaptuar me nevojat e të ardhmes dhe jo vetëm, me problemet imediate të së tashmes”,-tha për Euronews Albania deputeti socialist Etjen Xhafaj.
LEXONI GJITHASHTU: