Kandidon për Tiranën, Roland Bejkon: Do kem në fokus oligarkët politikë

Kandidati i Partisë Demokratike për zgjedhjet e 14 Majit Roland Bejko i ftuar në emisionin “Now”, tha se në fokus të fushatës së tij do jetë oligarkia politike dhe ajo ekonomike.

Ai përmendi tre emra në oligarkinë politike ndërsa tha se është i gatshëm të përmend në çdo fushatë edhe emrat e oligarkëve ekonomik.

“E para në fokus do të jetë oligarkia politike dhe ekonomike, e cila në bashkëpunim me krimin e organizuar, kanë pastruar në Shqipëri, sipas agjensive ndërkombëtare 1.6 miliardë euro. Ky do jetë fokusi i parë, në këtë oligarki politike futet Edi Rama, Sali Berisha dhe Ilir Meta. Në oligarkinë ekonomike, unë jam pro biznesit, por kundër oligarkëve.

Oligarkët janë ata që favorizohen nga qeveria, bëjnë ligje enkas nga qeveria, ndryshojnë vendime për të favorizuar bizneset e tyre. Kjo në Shqipërinë e Edi Ramës ka ndodhur me shumicë dhe ne do i numërojmë një për një në çdo fushatë”,-tha Roland Bejko për Euronews Albania.

LEXONI GJITHASHTU:

• Papa: Bolton më tha se “non grata” e Berishës është marrë në zyra të nivelit të ulët
• ‘Pastaj do kthehet e të reagojë Jorgji…’, ish-lojtari nis kritikat