Ish-drejtuesi i lartë i policisë, Shemsi Prençi, deklaroi se në çështjen e incenaratorëve janë të përfshirë dhe shumë ish-politikanë të djathtë.

I ftuar në Euronews Albania, Prençi tha se së shpejti pritet të dalin emrat e të gjithë personave që janë aksionerë në aferën e inceneratorëve, të cilët kanë filluar të largohen nga vendi.

Ai shtoi se pritet që SPAK ta hetojë çështjen si grup të strukturuar kriminal, ku do të preket dhe Kryeministria.

“Nëse keni ndjekur me vëmendje seancën plenare e keni kuotuar se sa ministra janë të trembur. Unë kam thën dhe para 6muajsh se në grupin e strukturuar kriminal të inceneratorëve ka dhe ish-politikanë të djathtë që janë aksioner. Koha do ta tregojë. Unë kam folur me emra. Shumë shpejt do të ketë hetim për grup të strukturuar keiminal të inceneratorëve ku do të preket dhe kryeministria. Do të ketë dhe ish-politikanë nga e djathta, nuk duhet të mërzitemi. Ajo që uroj unë është të mos ketë shumë avokatë për Arben Ahmetajn”, tha Prençi.

LEXONI GJITHASHTU:

• Reagon për herë të parë Arben Ahmetaj: Zoti e di të vërtetën që unë do nxjerr
• Avokatët e Ahmetajt: Ose bie koka e mbretit, ose pranoni dështimin e Revolucionit