“Kanë presion social nga grupi”, psikologia tregon pse marrin drogë të rinjtë

Psikologia Arjana Muçaj tha në një intervistë për Euronews Albania se një nga arsyet kryesore pse të rinjtë e nisin drogën është ndikimi dhe presioni i grupit social.

Ajo u shpreh se nën influencën e detyrueshme të grupit, të rinjtë nisin fillimisht drogërat e lehta e më tej në varësi të moshës shkojnë deri te kokaina.

“Bashkëmoshatarët kanë një influencë shumë të madhe tek njëri tjetri, gjë që bën që të ndihen jashtë grupit nëse nuk bëhen si pjesa tjetër. Dhe ky është një presion social që vjen nga grupi me të cilin  shoqërohet. Dhe dashur pa dashur bien pre e përdorimit duke nisur nga drogërat e lehta dhe duke kaluar në varësi të moshës kalojnë te drogërat më të forta. Tek adultët trendi i fundit është përdorimi i kokainës”, tha psikologia.

LEXONI GJITHASHTU:

• Nga vjen droga në Shqipëri? Gazetari: Laboratorët që kanë punuar
• Droga vinte nga Shqipëria, sekuestrohen 67 kg marijuanë në Igumenicë