Kapen cigare kontrabandë në Tiranë, arrestohet një person

Një 55-vjeçar ka përfunduar në prangat e policisë në Tiranë pasi në dyqanin e tij u sekuestruan nga policia dhjetëra steka cigare të futura kontrabandë.

Policia ka sekuestruar cigaret me pulla fiskale të falsifikuara ndërkohë që materialet në ngarkim të 55-vjeçarit i kaluan prokurorisë së Tiranës për veprime të mëtejshme.

“Specialistët e Seksionit për Hetimin e Krimeve Ekonomike dhe Financiare, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës me mallra, pas një pune të mirëfilltë hetimore, bazuar dhe në informacionet e siguruara nëpërmjet inteligjencës informative, organizuan dhe finalizuan me sukses operacionin policor të koduar “False”.

Si rezultat i këtij operacioni u bë arrestimi në flagrancë i shtetasit A. D., 55 vjeç, banues në Tiranë.

Gjatë kontrollit të ushtruar në dyqanin e shtetasit A. D., në rrugën “Hamdi Pepo”, shërbimet e Policisë gjetën dhjetëra steka me cigare, të dyshuara të kontrabanduara dhe me fulla fiskale të falsifikuara, të cilat u sekuestruan në cilësinë e provës materiale.

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale”, thuhet në njoftimin e policisë.

LEXONI GJITHASHTU: 

• Prositucion në një qendër masazhi në Tiranë, në pranga 2 të reja
• Avokati Beqiri: 4-10 vite burg është dënimi për pastruesen dhe djalin e saj
• 95% e shqiptarëve kanë imunitet nga COVID-19, thotë mjeku Pipero