Avokati Beqiri: 4-10 vite burg është dënimi për pastruesen dhe djalin e saj

Avokati Idajet Beqiri është shprehur se Rozeta Dobi së bashku me të djalin Havier Dobi, të cilët vodhën shumën e parave prej 120 mijë eurosh në shtëpinë e Alda Klosit mund të dënohen nga 4 deri në 10 vjet.

I ftuar në emisionin “Good Morning Albanians” në Euronews Albania është shprehur  se pjesë e hetimit do të jetë edhe zyrtarja Alda Klosi, por momentalisht sipas tij kjo e fundit konsiderohet e pafajshme.

“Situatën e rëndon shuma. Sipas nenit dënimi parashikohet nga 4 deri në 10 vjet. Nëna e ka shumë pozitën e vështirë por dhe djali nuk dënohen më pak se 4 vite. Ne po ndërtojmë një shoqëri imorale.

Pjesë e hetimit do të jetë dhe zyrtarja, por momentalisht ajo konsiderohet jo vetëm e pafajshme por edhe viktimë. Ajo do e justifikojë. Gjithmonë viktimën duhet ta konsiderojmë viktimë”- tha ai.

LEXONI GJITHASHTU: 

• “Pastruesja tamahqare, nxori hajdutin e qeverisë”, qytetarët revoltohen ndaj Klosit
• Pipero: Po shtohen kërkesat e të rinjve për t’u specializuar si mjekë infeksionistë
• Eksperti i IT-së kërkon dëmshpërblim për daljen e të dhënave të tij personale