Kapet me amfetaminë në dalje të Shqipërisë, arrestohet 25-vjeçarja belge

Një 25-vjeçare me shtetësi belge është vënë në pranga nga Policia Kufitare në Rinas, pasi u kap në flagrancë duke tentuar të dilte nga Shqipëria me një sasi lënde narkotike të dyshuar amfetaminë.

Lënda narkotike u sekuestrua në cilësinë e provës materiale, ndërsa materialet procedurale janë referuar në Prokurorinë e Tiranës për veprime të mëtejshme.

“Shërbimet e Policisë Kufitare Rinas, si rezultat i kontrolleve të imtësishëm në hyrje/dalje, me objektiv goditjen e paligjshmërive në kufi, krahas punës për menaxhimin e fluksit në këtë PKK, arrestuan në bashkëpunim me specialistët e Seksionit për Hetimin e Narkotikëve të DVP Tiranë, shtetasen belge K. D., 25 vjeçe”, njofton policia e Tiranës.

LEXONI GJITHASHTU:

• Familjarët dhe policia e kërkonin prej ditësh, gjendet i vdekur i moshuari në Fier
• Ngjarje tragjike në Elbasan, dy vëllezër të mitur mbyten në lumin Shkumbin